Hindi ka naniniwala sa kaniya
na hindi niya sinasadya ang pagdating.
May magnanakaw bang nagbabala
bago ka salakayin?

Kilala mo ang bulto ng aninong
dumaan sa bintana.
Pinindot mo ang switch
ng lamp shade. Klik!
At naramdaman mong kumakagat,
tumatalab na naman ang embalsamo
sa iyong katawan.

Bakit ba kapag may ganitong gabi
walang gustong makiramay sa iyong kalansay?

22 Pebrero 2007
Al-Khobar, Kingdom of Saudi Arabia