Paghahanap
Thursday, June 26th, 2008 @ 9:08 pm | Verses
Ngayo’y hinahagod ng ligalig ang Lhamo La-Tso
Hindi sinlinaw ng dati,
Hindi na sinlamig.
Tila natatakot nang magsadya ang mga pangitain
At alumpihit kung isisiwalat ang sagot na kinikipkip.
Kahit may tumatangis,
Kahit nagsasanib ang lungkot
Sa tubig.
Minsan nang nagtipon ang mga ulap
Sa ibabaw ng Lhasa.
Akala’y natagpuan na siya
Ngunit parang walang isinilang na pag-asa.
04 Hunyo 2008
Al-Khobar, Kingdom of Saudi Arabia
owan.. wow meron ka na nanamg bago.. =) pagpatuloy mo lang yan.. maabot mo rin pangarap mo.. ang lungkot naman… para ba ito sa mga taong lihim na umiibig kahit alam nila na may ibang mahal yung minamahal nila?…wala lang.. =p.. sige gawa ka pa ng maraming tula =)
rowan galing talaga ng mga tula mo……
so depressing but good