Sikil
Monday, February 23rd, 2009 @ 12:26 pm | Verses
Dahil kahit anong gusto mong pag-ipon,
matipon lamang sa silid na ito
ang mga kinipkip na init,
magsasatinig pa rin ng sabik
ang lumulundo mong katre
lalo’t sa mga oras ng pagpapakabanal;
ang ingit ng dasal na nananabik, nagmamakaawang
marinig kahit ng kalapit-silid
pilit na hahanap ng siwang sa bintana
o ng uwang sa pintong nakaligtaang sarhan.
Kung kaya mo lamang hawakan ang apoy,
kung sana ay nahihipo mo ang gabi,
napaaamo sa bawat nasa o nais,
tiyak ikukulong ito sa palad kahit sandali -
nang sa pag-igtad ng layon, makalulundag
ang layaw na makailan nang itinanggi
kung hindi man minsan nang kinitil ng malay.
23 Pebrero 2009
Al-Khobar, Kingdom of Saudi Arabia
Ang bastos ng tula!
At hanggang maging disyerto ang antartica,
magunaw man ang mundo, si rowan velonta,
dala hanggang hukay, habambuhay na makata!
c alvin ito na minsa’y nakasama mo sa LIRA workshops 2001
nice bro.. makata k rin pla.. ndi ko maarok pre. hehhe.. pero astig..
tsk. ang lalim lalim naman eh!